*वेगवान विकासाचे चेंज मेकर्स बना, फक्त मुंबई नव्हे, संपूर्ण राज्य ग्रोथ इंजिन बनविणार – उपमुख्यमंत्री एकनाथ शिंदे*

*वेगवान विकासाचे चेंज मेकर्स बना, फक्त मुंबई नव्हे, संपूर्ण राज्य ग्रोथ इंजिन बनविणार – उपमुख्यमंत्री एकनाथ शिंदे*

*मुंबई, दि. २५:* जगभर झपाट्याने विकास होत असून आपणही देश आणि राज्याच्या गतिशील विकासाचे चेंज मेकर्स बना, असे आवाहन उपमुख्यमंत्री एकनाथ शिंदे यांनी केले. मुंबईच नव्हे तर संपूर्ण राज्याला देशाचे ग्रोथ इंजिन बनविण्यासाठी सरकारने पावले उचलल्याचे त्यांनी सांगितले.

*इकॉनॉमिक टाइम्स बिझनेस कॉनक्लेव्ह अँड अवॉर्ड्स २०२६* मध्ये ते बोलत होते.

*मुंबईपुरता विकास नाही; संपूर्ण महाराष्ट्र ‘ग्रोथ इंजिन’*

महाराष्ट्र केवळ मुंबई-केंद्रित विकास न करता नागपूर, पुणे, नाशिक, छत्रपती संभाजीनगर, ठाणे, नवी मुंबई तसेच विदर्भ, मराठवाडा, कोकण आणि पश्चिम महाराष्ट्राला विकासाच्या मुख्य प्रवाहाशी जोडत आहे. टियर-२ आणि टियर-३ शहरांना आर्थिकदृष्ट्या सक्षम करून ते स्वयंपूर्ण आर्थिक केंद्रे बनविण्याचा सरकारचा प्रयत्न आहे. इंडस्ट्रियल पार्क, आयटी झोन, लॉजिस्टिक्स हबच्या माध्यमातून गुंतवणूक आणि रोजगाराच्या संधी निर्माण केल्या जात आहेत.

*पायाभूत सुविधांना वेग:*

मुंबई मेट्रो, कोस्टल रोड, समृद्धी महामार्ग, अटल सेतू, बुलेट ट्रेन, मेट्रो-३, वाढवण बंदर आदी गेमचेंजर प्रकल्प वेगाने पुढे जात आहेत. एमएमआरमध्ये ३३७ किलोमीटरचे मेट्रो नेटवर्क विकसित होत असून रेल्वे, रस्ता, मेट्रो आणि जलवाहतुकीचे मल्टिमोडल इंटिग्रेशन होत आहे.

*मुंबई-एमएमआरला जागतिक आर्थिक केंद्र:*

मुंबईचा जीडीपी दुप्पट करून तिला जागतिक आर्थिक केंद्र बनविण्याच्या दिशेने काम सुरू आहे. एमएमआरमध्ये सुमारे *४ लाख कोटी रुपयांच्या गुंतवणुकीचे सामंजस्य करार* झाले आहेत. या प्रदेशात सुमारे *१.५ ट्रिलियन डॉलरची अर्थव्यवस्था* निर्माण करण्याची क्षमता आहे.

*३५ लाख परवडणारी घरे:*

२०३० पर्यंत EWS आणि अल्प उत्पन्न गटांसाठी *३५ लाख घरे* उभारण्याचे लक्ष्य. मुंबईला झोपडपट्टीमुक्त करण्यासाठी ‘हिंदुहृदयसम्राट बाळासाहेब ठाकरे नागरी लोककल्याण अभियान’ राबविण्यात येत आहे.

*गुंतवणूकदारांना खुले निमंत्रण:*

महाराष्ट्राची अर्थव्यवस्था १ ट्रिलियन डॉलरच्या दिशेने वाटचाल करत आहे. विकसित महाराष्ट्राशिवाय विकसित भारताचे स्वप्न पूर्ण होऊ शकत नाही.

*- MAI MEDIA 24*

*SEO SLUG:* change-makers-bana-sampurna-rajya-growth-engine-eknath-shinde-et-conclave-2026
*Tags:* Eknath Shinde, ET Business Conclave, Maharashtra Growth Engine, MMRDA, Mumbai GDP