मुंबई, दि. २६ : प्रजासत्ताक दिनाच्या निमित्ताने राजभवन, मुंबई येथे आयोजित स्वागत समारंभ हा अत्यंत गौरवपूर्ण प्रसंग होता. मा. महामहिम राज्यपाल सी.पी. राधाकृष्णन आणि सुनिता आर. यांच्या उपस्थितीत हा कार्यक्रम अधिकच खास झाला. निमंत्रणानुसार, विधानपरिषद उपसभापती डॉ. नीलम गोऱ्हे यांनी यावेळी उपस्थित राहून राज्यपाल सी.पी. राधाकृष्णन यांना पुष्पगुच्छ आणि तिळगुळाची स्नेहभेट देऊन पारंपरिक स्नेहभाव व्यक्त केला.
ही नक्कीच एक सांस्कृतिकदृष्ट्या महत्त्वाची भेट होती. मुख्यमंत्री देवेंद्र फडणवीस आणि अमृता फडणवीस यांच्याशी झालेली भेटदेखील संस्मरणीय ठरली.
“अशा स्नेह भेटींमुळे सामाजिक व सांस्कृतिक संबंध दृढ होतात. हा कार्यक्रम प्रजासत्ताक दिनाच्या महत्त्वपूर्ण उत्सवाचा एक भाग होता, जिथे विविध मान्यवरांची उपस्थिती ही राज्यासाठी अभिमानास्पद ठरली”, अशी भावना याप्रसंगी उपसभापती डॉ. नीलम गोऱ्हे यांनी व्यक्त केली.
