*MAI MEDIA 24 EXCLUSIVE | ब्रेकिंग*
*एसटीत ‘भ्रष्टांना प्रमोशन पॅकेज’? ४० हून अधिक अधिकाऱ्यांवर गंभीर आरोप, तरीही खुर्ची कायम!*
*नागपूर/मुंबई, दि. २७ सप्टेंबर :* एकीकडे तोट्याने खंगलेली एसटी, ९० हजार कर्मचाऱ्यांचे पगार रखडलेले, निवृत्तांना ग्रॅज्युटी नाही, तर दुसरीकडे मात्र भ्रष्टाचाराचे गंभीर आरोप असलेल्या अधिकाऱ्यांना ‘बढती’चे गिफ्ट दिले जात असल्याचा खळबळजनक प्रकार समोर आला आहे.
महाराष्ट्र एसटी कर्मचारी काँग्रेसचे सरचिटणीस *श्रीरंग बारगे* यांनी थेट परिवहन मंत्री तथा एसटी महामंडळाचे अध्यक्ष *प्रताप सरनाईक* यांच्याकडे निवेदन देऊन हा भांडाफोड केला आहे.
*नेमका घोटाळा काय?*
*१) ४०+ अधिकाऱ्यांवर आरोपपत्र:* एसटीच्या विविध विभागातील ४० पेक्षा जास्त अधिकाऱ्यांवर आर्थिक गैरव्यवहार, भ्रष्टाचार आणि कर्तव्यात कुचराईचे ठपके ठेवून आरोपपत्रे बजावण्यात आली होती.
*२) चौकशीचा फार्स:* एसटीच्या सुरक्षा व दक्षता विभागाने पुराव्यांसह दोषी असल्याचा अहवाल सादर केला होता. मात्र सक्षम प्राधिकाऱ्यांनी काही अधिकाऱ्यांना किरकोळ शिक्षा देऊन तर काहींना थेट ‘निर्दोष’ म्हणून मोकळे केले.
*३) शिक्षेऐवजी बक्षीस:* ज्या अधिकाऱ्यांवर गंभीर आरोप होते, त्याच अधिकाऱ्यांना आता मुंबईच्या मध्यवर्ती कार्यालयात आणि राज्यातील महत्त्वाच्या विभाग नियंत्रक पदांवर बढती देऊन बसवण्यात आले आहे.
*४) एसटीला कोट्यवधींचा फटका:* एकीकडे ४८० निवृत्त कर्मचाऱ्यांची ग्रॅज्युटी थकवल्याने केवळ व्याजापोटी एसटीला अडीच कोटी रुपयांचा भुर्दंड बसला, ८ कोटींची ग्रॅज्युटी अजूनही थकलेली आहे. दुसरीकडे भ्रष्ट अधिकाऱ्यांना प्रमोशन – हा प्रामाणिक कर्मचाऱ्यांवर अन्याय आहे.
> “ज्यांनी एसटीचे कोट्यवधींचे नुकसान केले, त्यांना बक्षीस म्हणून महत्त्वाची पदे दिली जात असतील तर एसटी वाचणार कशी? या सर्व प्रकरणांची फेरचौकशी करून दोषींवर कारवाई करावी.” – *श्रीरंग बारगे*
या आरोपांनंतर परिवहन मंत्री प्रताप सरनाईक काय कारवाई करतात, याकडे ९० हजार एसटी कर्मचाऱ्यांचे लक्ष लागले आहे.
*तुम्हाला काय वाटतं? भ्रष्टाचाराचे आरोप असतानाही बढती देणे योग्य आहे का? कमेंटमध्ये आपले मत नक्की कळवा.*
#MAIMEDIA24Exclusive #MSRTC #STBusScam #Corruption #ShrirangBarge #PratapSarnaik #Nagpur #MaharashtraNews #BreakingNews
—
