नवी दिल्ली/मुंबई
शिवसेना राष्ट्रीय प्रवक्त्या शायना एनसी या ऑक्सफर्ड विद्यापीठातील दोन आठवड्यांच्या शैक्षणिक कार्यक्रमात सहभागी होणार असून, हा कार्यक्रम दक्षिण आणि आग्नेय आशियातील सार्वजनिक जीवन आणि राजकारणातील महिलांच्या प्रतिनिधित्वावरील संशोधनावर केंद्रित आहे.
शायना या या प्रदेशातील घटनात्मक रचना, राजकीय संस्था, नेतृत्व आणि लिंगभेदाच्या गतिशीलतेवर अग्रगण्य विद्वान आणि तज्ज्ञांसोबत संवाद साधतील. या कार्यक्रमात महिलांच्या राजकीय सहभागाच्या तुलनात्मक पद्धतींचा अभ्यास केला जातो, ज्यामध्ये वसाहतवादी वारशाचा प्रभाव, जातीय-धार्मिक राष्ट्रवाद आणि घटनात्मक न्यायशास्त्र यांचा समावेश आहे.
कार्यक्रम पुर्ण झाल्यानंतर त्या भारत आणि व्यापक प्रदेशातील लोकशाही संस्थांमध्ये महिलांचे नेतृत्व अधिक बळकट करण्यासाठी धोरणात्मक मार्ग सुचवणारा प्रबंध तयार करतील.
“हा कार्यक्रम दक्षिण आणि आग्नेय आशियातील देशांनी सार्वजनिक जीवनातील महिलांच्या प्रतिनिधित्वाचा प्रश्न कसा हाताळला आहे, याचा प्रत्यक्ष अभ्यास करण्याची एक अनोखी संधी देतो. या अभ्यासातून मिळणारी माहिती भारतातील महिलांच्या नेतृत्वाखालील विकास आणि राजकीय सक्षमीकरणासाठी शिवसेना पक्ष आणि एकनाथ शिंदे यांच्या प्रयत्नांना थेट पाठबळ देईल,” असे शायना एनसी यांनी सांगितले.
हा उपक्रम महाराष्ट्रातील ‘लाडकी बहीण’ योजनेद्वारे महिलांच्या कल्याणासाठी एकनाथ शिंदे यांनी केलेल्या अग्रगण्य कार्याशी सुसंगत आहे. तसेच पंतप्रधान नरेंद्र मोदी यांच्या ‘नारी शक्ती’द्वारे महिलांच्या सक्षमीकरणाच्या दृष्टीकोनाशी आणि सुशासनात लैंगिक समतेसाठी एनडीए सरकारच्या वचनबद्धतेशीही तो अनुरूप आहे.
कार्यक्रमाबद्दल
ऑक्सफर्ड विद्यापीठाच्या इतिहास, राजकारण आणि समाज विषयक समर कोर्सेसचा भाग म्हणून हा कार्यक्रम आयोजित केला जातो. या कार्यक्रमात नेतृत्व, लिंगभेद, स्थलांतर आणि घटनात्मकता यावरील मॉड्यूल्सचा समावेश आहे. ऑक्सफर्डच्या विधी विभागाने अलीकडेच दक्षिण आशियातील महिला, लिंगभेद आणि घटनात्मकता यावरील परिसंवाद आयोजित केले आहेत, ज्यामध्ये भारत, पाकिस्तान, बांगलादेश, नेपाळ आणि श्रीलंका यांचा समावेश होता.
