*मराठीवर सक्ती नव्हे, भक्ती करणाऱ्या २० हजार रिक्षा-टॅक्सी चालकांचा गौरव*
*‘जन्मभूमी कुठलीही असो, कर्मभूमी महाराष्ट्र आहे; मराठी भाषा जोडणारी आहे’ – उपमुख्यमंत्री एकनाथ शिंदे*
*बोरिवली
बोरिवली येथील कोरा केंद्र ग्राउंडवर २० हजार हिंदी भाषिक रिक्षा व टॅक्सी चालकांना मराठी व्यवहार भाषा प्रशिक्षणाचे उत्तीर्ण प्रमाणपत्र वाटप उपमुख्यमंत्री एकनाथ शिंदे यांच्या हस्ते करण्यात आले.
यावेळी उपमुख्यमंत्री शिंदे म्हणाले, “मराठीवर सक्ती करणारी नव्हे, तर मराठीवर भक्ती करणारी गर्दी आज येथे पाहायला मिळत आहे. जन्मभूमी उत्तर प्रदेश, बिहार किंवा अन्य राज्य असले तरी कर्मभूमी महाराष्ट्र आहे. त्यामुळे महाराष्ट्राच्या मराठी भाषेवर प्रेम करा.”
आमदार प्रकाश सुर्वे यांच्या पुढाकाराचे व परिवहन मंत्री प्रताप सरनाईक यांनी साहित्यिक, भाषातज्ज्ञांना सोबत घेऊन राबवलेल्या प्रशिक्षणाचे त्यांनी कौतुक केले.
“रिक्षा-टॅक्सीमध्ये ‘कुठे जायचे?’ एवढेच नव्हे, तर ज्येष्ठ नागरिकाला ‘हळू उतरा’ असे प्रेमाने म्हणता आले पाहिजे. मराठी भाषा तोडणारी नाही, जोडणारी आहे,” असे आवाहन शिंदे यांनी केले.
यावेळी विधान परिषद उपसभापती सचिन अहिर, मंत्री प्रताप सरनाईक, आमदार प्रकाश सुर्वे, मुरजी पटेल, प्रा. मनिषा कायंदे, शिवसेना सचिव सिद्धेश कदम आदी उपस्थित होते.
*फेसबुक कॅप्शनसाठी:*
मराठीवर सक्ती नव्हे, भक्ती! 🚩
२० हजार रिक्षा-टॅक्सी चालकांनी शिकली मराठी – बोरिवलीत उपमुख्यमंत्री एकनाथ शिंदे यांच्या हस्ते प्रमाणपत्र वाटप
#Marathi #EknathShinde #Mumbai #Borivali #MAIMEDIA24
