ज्येष्ठ निरुपणकार डॉ नानासाहेब धर्माधिकारी यांच्या जयंतीनिमित्त राज्यभर घेण्यात आलेल्या स्वच्छता अभियाना अंतर्गत महाराष्ट्राच्या राज्यपालांचे निवासस्थान असलेल्या महाराष्ट्र लोकभवन येथे समुद्राच्या दिशेला श्री सदस्यांतर्फे स्वच्छता अभियान राबविण्यात आले.
राज्यपालांचे सहसचिव एस राममूर्ती, भाप्रसे यांच्या हस्ते लोकभवन प्रवेश द्वाराजवळ अभियानाचे उदघाटन झाले.
डॉ नानासाहेब धर्माधिकारी प्रतिष्ठानच्या वतीने गेल्या १४ वर्षांपासून लोकभवन येथे स्वच्छता व वृक्षारोपण तसेच वृक्ष संवर्धनाचे कार्य केले जात असल्याबद्दल राममुर्ती यांनी प्रतिष्ठानच्या सदस्यांचे कौतुक केले तसेच भविष्यात देखील स्वच्छता व पर्यावरण रक्षणाचे कार्य सुरु ठेवण्याचा संदेश दिला. जनसंपर्क अधिकारी उमेश काशीकर यांनी स्वागत व प्रास्ताविक केले.
आजच्या स्वच्छता अभियानात जवळपास दोनशे श्री सदस्यांनी भाग घेतला व लोकभवनातील समुद्र किनारा व इतर परिसरातून ४१६ किलो प्लास्टिक – थर्माकोल कचरा गोळा केला.
***
