राज्यपाल सी पी राधाकृष्णन यांच्या निवासस्थानी बसवलेल्या पाच दिवसांच्या गणरायाचे रविवारी (दि. ३१) राजभवन येथे फुलांनी सजवलेल्या कृत्रिम हौदात विसर्जन करण्यात आले.
राज्यपालांनी कुटुंबातील सदस्य तसेच राजभवनातील अधिकारी व कर्मचारी यांचेसह गणरायाची आरती केल्यानंतर बाप्पाला निरोप दिला.
राज्यपालांच्या सूचनेनुसार गणेश मूर्तीचे समुद्रात विसर्जन न करता कृत्रिम हौदात विसर्जन करण्यात आले.
राज्यपालांच्या निवासस्थानी मांडलेली गणेशाची मूर्ती शाडूची होती व ही मूर्ती नाशिक येथील मध्यवर्ती कारागृहातील कैद्यांनी तयार केली होती.
विसर्जनाचे वेळी राज्यपालांचे सचिव डॉ. प्रशांत नारनवरे, इस्कॉनचे गौरांग दास, राज्यपालांचे उपसचिव एस. राममूर्ती तसेच इतर अधिकारी व कर्मचारी उपस्थित होते.
**
