*दि.८ जुलै २०२५ रोजी सत्कार! आणि*
*”भारताची राज्यघटना” या विषयावर संबोधन*
मुंबई :
महाराष्ट्राचे सुपुत्र आदरणीय न्यायमूर्ती भूषण रामकृष्ण गवई यांची भारताच्या सरन्यायाधीशपदी नियुक्ती झाल्याबद्दल त्यांचा महाराष्ट्र विधानमंडळातर्फे सत्कार करण्यात येणार आहे.
हा सत्कार सोहळा दि ८ जुलै, २०२५ रोजी दुपारी २ वाजता, मध्यवर्ती सभागृह, विधान भवन, मुंबई येथे आयोजित करण्यात आला आहे, अशी घोषणा आज दि ४ जुलै, २०२५ रोजी विधानपरिषद सभागृहात सभापती प्रा. राम शिंदे यांनी तर विधानसभेत अध्यक्ष ॲड.राहुल नार्वेकर यांनी केली.
सत्कार सोहळ्यास व्यासपीठावर महाराष्ट्र विधानपरिषद सभापती प्रा. राम शिंदे, महाराष्ट्र विधानसभा अध्यक्ष ॲड. राहुल नार्वेकर, महाराष्ट्राचे मुख्यमंत्री देवेंद्र फडणवीस, उप मुख्यमंत्री एकनाथ शिंदे आणि अजित दादा पवार, विधानपरिषद उप सभापती डॉ. नीलम गोऱ्हे, विधानसभा उपाध्यक्ष अण्णा बनसोडे, विधानपरिषद विरोधी पक्षनेते अंबादास दानवे उपस्थित असतील.
सर्व मंत्रीगण तसेच दोन्ही सभागृहांचे सन्माननीय सदस्य, विधि व न्यायक्षेत्रातील मान्यवर यांच्या उपस्थितीत होणाऱ्या या सत्कार सोहळ्याप्रसंगी सरन्यायाधीश भूषण रामकृष्ण गवई यांचे “भारताची राज्यघटना” या विषयावर संबोधन होणार आहे.
***
