अशोक खरात याच्याविरोधात अनेक प्रकरणांमध्ये गुन्हे दाखल झाले आहेत. त्याला न्यायालयाने ८ एप्रिलपर्यंत पोलीस कोठडी सुनावली आहे. दरम्यान एसआयटीच्या चौकशीमध्ये त्याचे अनेक गुन्हे समोर येत आहेत. तर दुसरीकडे त्याची पत्नी कल्पना खरात ही फरार असून, शिर्डी पोलिसांकडून फरार असलेल्या कल्पना खरात हिचा शोध सुरू आहे. शिर्डीमध्ये भोंदू अशोक खरातसह त्याच्या पत्नीवर शेतकऱ्यांची फसवणूक आणि सावकारकीचा गुन्हा दाखल करण्यात आला आहे. या प्रकरणात शिर्डी पोलिसांकडून कल्पना खरात हिचा शोध सुरू आहे, मात्र ती अद्याप पोलिसांच्या हाती लागलेली नाही.
शिर्डीमध्ये भोंदू अशोक खरातसह त्याच्या पत्नीवर शेतकऱ्यांची फसवणूक आणि सावकारकीचा गुन्हा दाखल करण्यात आला आहे. या प्रकरणात अशोक खरात याची पत्नी कल्पना खरात ही फरार आहे. शिर्डी पोलिसांकडून सध्या कल्पना खरात हिचा शोध घेतला जात आहे. दरम्यान ती परदेशात पळून जाऊ शकते अशी शक्यता असल्यानं, पोलिसांनी आता तिच्या विरोधात लुक आऊट नोटीस जारी केली आहे. त्यामुळे आता कल्पना खरात हिचा परदेशात पळून जाण्याचा मार्ग बंद झाला आहे.
*अशोक खरातचा आणखी एक धक्कादायक कारनामा*
दरम्यान अशोक खरात याचा आणखी एक धक्कादायक गुन्हा समोर आला आहे. सूत्रांकडून मिळालेल्या माहितीनुसार त्याने अनेक जणांचे पॅन कार्ड आणि आधार कार्ड घेऊन मोठा कारनामा केला आहे. तो काही पतसंस्थेत उघडण्यात आलेल्या शेकडो बँक खात्याचा नॉमिनी असल्याची माहिती समोर येत आहे. एवढंच नाही तर ही सगळी खाती तो स्वत:च हाताळत होता, त्याने आतापर्यंत या बँक खात्याच्या माध्यमातून शंभर कोटींपेक्षा अधिकचे व्यवहार केले आहेत, अशी माहिती देखील समोर येत आहे. या बातमीमुळे मोठी खळबळ उडाली आहे. दरम्यान आता अशोक खरात याच्या पत्नीच्या विरोधात पोलिसांनी लूक आऊट नोटीस जारी केल्यानं तिचे परदेशात पळून जाण्याचे मार्ग बंद झाले आहेत.
