*वांद्रे (पश्चिम) येथे ९०० मिलिमीटर व्यासाच्या जलवाहिनीवरील गळती दुरुस्तीचे काम हाती*

*मंगळवार, दि. १० फेब्रुवारी २०२६ रोजी सकाळी १० वाजेपासून ते मध्यरात्री १२ वाजेदरम्यान केली जाणार दुरुस्ती कार्यवाही*

*एच पश्चिम विभागातील काही भागांचा पाणीपुरवठा राहणार बंद, काही भागात कमी दाबाने पाणीपुरवठा*

पाली हिल जलाशयाच्या ९०० मिलिमीटर व्यासाच्या आवक (Inlet) जलवाहिनीवरील गळती दुरुस्तीची अत्यावश्यक कार्यवाही बृहन्मुंबई महानगरपालिकेच्या वतीने हाती घेण्यात आली आहे. ही कार्यवाही वांद्रे पश्चिम येथील कुरेशी नगर झोपडपट्टीजवळ, महाराष्ट्र गृहनिर्माण व क्षेत्र विकास प्राधिकरणाच्या (MHADA) मोकळ्या भूखंडातून तसेच पश्चिम द्रुतगती महामार्गालगत जाणाऱ्या जलवाहिनीवर मंगळवार, दिनांक १० फेब्रुवारी २०२६ रोजी सकाळी १० ते मध्यरात्री १२ या एकूण १४ तासांच्या कालावधीत करण्यात येणार आहे. या दुरुस्ती कालावधीत एच पश्चिम विभागातील काही भागांचा पाणीपुरवठा १४ तास बंद राहणार आहे. तर, काही भागात कमी दाबाने पाणीपुरवठा होणार आहे.

एच पश्चिम विभागातील नागरिकांनी खबरदारीचा उपाय म्हणून पाण्याचा आवश्यक साठा करून ठेवावा. दुरुस्तीच्या कालावधीत काटकसरीने पाणी वापरावे. तसेच खबरदारीचा उपाय म्हणून पुढील काही दिवस पाणी उकळून-गाळून प्यावे. महानगरपालिकेस सहकार्य करावे, असे आवाहन बृहन्मुंबई महानगरपालिका प्रशासनाच्या वतीने करण्यात येत आहे.

*पाणीपुरवठा पूर्णपणे बंद राहणारा परिसर :*

१) वांद्रे पश्चिमेकडील हिल मार्ग, पेरी मार्ग, मॅन्युअल गोन्साल्विस मार्ग, सेंट अँड्र्यूज मार्ग, सेंट पॉल मार्ग, कार्टर मार्ग, पाली गाव, चिंबई गाव, शेर्ली गाव, कांतवाडी परिसर.

२) खार दांडा, कोळीवाडा, दांड पाडा, चुईम गावठाण, गझदरबंध झोपडपट्टी, खार पश्चिमेचा काही भाग

३) हनुमान नगर झोपडपट्टी, लक्ष्मी नगर, कार्टर मार्ग, युनियन पार्क रस्ता क्रमांक १ ते ४, पाली हिल

४) डॉ. बाबासाहेब आंबेडकर मार्ग परिसर, पाली पठार झोपडपट्टी, खारमधील १५ वा ते २० वा रस्ता परिसर

५) वांद्रे पश्चिमचा काही भाग म्हणजे चॅपल मार्ग, वेरोनिका मार्ग, डॉ. पीटर डायस मार्ग, सेंट जॉन बॅप्टिस्ट मार्ग

६) माउंट मेरी कॅथेड्रल, वांद्रे पश्चिम बाजूचे क्षेत्र रस्ता परिसर.

७) वांद्रे पश्चिम के. सी. मार्ग, एल. के. मेहता मार्ग, बाजार रस्त्याचा काही भाग, ए. के. वैद्य मार्ग

८) झिगझॅग मार्ग, कोल डोंगरी, नर्गिस दत्त मार्ग, पाली माला मार्ग

*पाणीपुरवठा कमी दाबाने होणारा परिसर*

१) हिल रोडच्या टोकापासून ताज लँड्स एन्ड, बी. जे. मार्ग, एच. के. भाभा मार्ग, काणे मार्ग आणि गणेश झोपडपट्टी. (मध्यरात्रीनंतर १ ते पहाटे ४.३० या वेळेत पाणीपुरवठा केला जाईल.)
***