आज मा. बाळासाहेब ठाकरेंचा जन्मदिवस आहे आमच्या आयुष्याला कलाटणारी देणारा हा दिवस आहे. शिवसेना मुख्यनेते तथा उपमुख्यमंत्री ना. एकनाथ शिंदे यांनी धैर्य आणि धाडस दाखवत ते हिंदुत्वावर शिवसेनेला घेऊन आले बाळासाहेब असते तर आज शिंदेंची पाठ थोपटली असती असे विधान विधानपरिषद उपसभापती नीलम गो-हे यांनी केले आहे.
हिंदुहृदयसम्राट बाळासाहेब ठाकरे यांच्या ९९ व्या जयंती दिनी आज कुलाबा येथील बाळासाहेब ठाकरे स्मारकाला पुष्पहार अर्पण करून अभिवादन करण्यात आले यावेळी उपसभापती नीलमताई गो-हे, पाणीपुरवठा मंत्री गुलाबराव पाटील, शिक्षण मंत्री दादा भुसे,आयुष्य मंत्रालय मंत्री प्रतापराव जाधव शिवसेना नेते आनंदराव अडसूळ,दिपक सावंत व इतर शिवसेना नेते उपस्थित होते.
बाळासाहेब ठाकरे यांनी महाराष्ट्रातील विकासाच्या मुद्द्यावर शिवसेनेला नवसंजीवनी दिली.बाळसाहेबांनी हिंदुत्वासाठी त्याग केला .ज्यांना शिवसेनेत यायचं आहे ते आनंदाने आणि प्रेमाने आमच्याकडे येतील.काही समाजकंटक घुसखोरी करत आहेत बोगस आधारकार्ड तयार करत विकृती करत आहेत त्यांच्यावर नजर ठेवायला हवी असे नीलम गो-हे म्हणाल्या आहेत.
