*जपानमध्ये आयोजित १ला आंतरराष्ट्रीय सोहळा*
*मराठी भाषेच्या प्रचार-प्रसारासाठी जगभरात ‘७५ मराठी मंडळे’ स्थापन करण्याचा संकल्प दृढ!*
*टोकियो, जपान* महाराष्ट्र शासन, मराठी भाषा विभाग आणि आंतरराष्ट्रीय मराठी मंच, जपान यांच्या संयुक्त विद्यमाने आयोजित “अभिजात मराठी, अभिमान मराठी” सन्मान सोहळा महाराष्ट्राचे उद्योग व मराठी भाषा मंत्री ना. उदय सामंत ह्यांच्या प्रमुख उपस्थितीत संपन्न झाला.
केंद्र सरकारने मराठी भाषेला अभिजात दर्जा दिल्यानंतर जपानमध्ये आयोजित हा पहिला आंतरराष्ट्रीय सोहळा असल्यामुळे हा ऐतिहासिक क्षण ठरला.
या कार्यक्रमात ‘मराठी भाषेचा अभिमान, अभिजातपणा आणि तिच्या समृद्ध सांस्कृतिक परंपरेचा गौरव करण्यात आला. मराठी भाषेच्या प्रचार-प्रसारासाठी जगभरात ‘७५ मराठी मंडळे’ स्थापन करण्याचा संकल्प मांडण्यात आला असून, मराठी भाषा जगाच्या कानाकोपऱ्यात पोहोचवण्याचा संकल्प , ना. उदय सामंत यांनी या व्यासपीठावर दृढ केला.
जपानमधील मराठी समुदायासाठी हा सोहळा अभिमानाचा आणि आनंदाचा क्षण ठरला.
