*कृषी उत्पन्न बाजार समित्या आता रोजगार निर्मितीची केंद्रे बनणार! – पणन मंत्री जयकुमार रावल यांची मोठी घोषणा*
*मुंबई:* राज्यातील कृषी उत्पन्न बाजार समित्यांचे (APMC) स्वरूप आता बदलणार आहे! त्या केवळ शेतीमाल खरेदी-विक्रीचे ठिकाण न राहता, थेट *रोजगार निर्मितीची केंद्रे* म्हणून विकसित केल्या जाणार आहेत, अशी मोठी घोषणा पणन मंत्री जयकुमार रावल यांनी आज मंत्रालयातील बैठकीत केली.
या बैठकीत बाजार समित्यांमध्ये आधुनिक पायाभूत सुविधा, शीतगृहे, प्रक्रिया उद्योग आणि तरुणांसाठी स्टार्टअप झोन उभारण्याबाबत सविस्तर चर्चा झाली. यामुळे शेतकऱ्याला त्याच्या मालाला जास्त भाव मिळेल आणि त्याच ठिकाणी ग्रामीण युवकांना रोजगाराची संधी उपलब्ध होईल.
मंत्री रावल म्हणाले, “बाजार समित्या म्हणजे फक्त लिलाव नाही, तर त्या ग्रामीण अर्थव्यवस्थेचा कणा आहेत. त्यांना रोजगार केंद्र म्हणून विकसित केल्यास शेतकरी आणि बेरोजगार तरुण दोघांनाही फायदा होईल.”
या निर्णयामुळे राज्यातील हजारो बेरोजगार तरुणांना शेतीपूरक व्यवसायात संधी मिळण्याची आशा निर्माण झाली आहे.
*#APMC #JaykumarRawal #PananMantri #Rojgar #KrushiBazar #MAIMedia24 #MaharashtraNews*
—
