*MAI MEDIA 24 | आजचा अग्रलेख – १ सप्टेंबर २०२६*
*हेडलाइन: वायू, ध्वनी, जल – प्रदूषणाला धर्म नसतो – नियम सर्वांना समान हवेत!*
*- शीतल हरीश करदेकर | संपादक*
सार्वजनिक गणेशोत्सव – हा केवळ उत्सव नाही! लोकमान्य टिळकांनी याच गणेशोत्सवाला *राजकीय आणि सामाजिक जागृतीचे व्यासपीठ* बनवले! स्वातंत्र्याचा जागर इथूनच झाला!
पण आज…
जेव्हा त्याच गणेशोत्सवात *ढोल-ताशे डॉल्बीवर येतात, DJ आवाजाची मर्यादा ओलांडतो – १५० डेसिबलचा कर्कश कहर* होतो…
आणि – मशिदीवरील भोंगेही जेव्हा कर्कश होतात – आवाजाची मर्यादा ओलांडतात…
तेव्हा एकच प्रश्न उरतो –
* निरामय श्रद्धा महत्त्वाची की असहनीय नाद महत्त्वाचा?*
श्रद्धा तर गाभा आहेच! पण श्रद्धेचा नाद – कान फाडणारा नसेल, तरच तो मनाला भिडतो!
*जेव्हा नाद – आवाज – कान फाडू लागतो, छातीत धडधडू लागतो, लहान बाळं दचकतात, वृद्धांची झोप उडते, रुग्णांच्या जीवावर बेतते…*
*तेव्हा त्रस्त फक्त माणूसच होत नाही – तर तो जगनियंताही त्रस्त होतो!*
कारण कोणताही देव, कोणताही अल्लाह, कोणताही ईश्वर – कधीच सांगत नाही की माझी प्रार्थना कर्कश आवाजात करा! माझा उत्सव प्रदूषणाने साजरा करा!
*वायू प्रदूषणाला धर्म नसतो,*
*जल प्रदूषणाला धर्म नसतो,*
* ध्वनी प्रदूषणाला धर्म का असावा?*
नियम एकच हवा –
*५५ डेसिबल – दिवसा!*
*रात्री १० ते सकाळी ६ – लाऊडस्पीकर बंद!*
*हा नियम – मंदिरासाठीही, मशिदीसाठीही, आणि मंडपासाठीही – समान!*
*MAI MEDIA 24 ची भूमिका स्पष्ट आहे -*
गणेशोत्सव व्हावा – पण ढोल-ताशाच्या *नादात* – डॉल्बीच्या *कर्कशात* नाही!
प्रार्थना व्हावी – नमाज व्हावी – पण *मनाच्या शांतीसाठी* – कान फाडणाऱ्या भोंग्यासाठी नाही!
*उत्सव राजकीय जागृतीचा असेल, तर तो आवाजाच्या प्रदूषणातून नाही – तर निरामय, सहनीय नादातूनच होईल!*
जगनियंता प्रसन्न होतो – जेव्हा नाद – घुमतो – टोचत नाही!
*- शीतल हरीश करदेकर*
*MAI MEDIA 24 | वृत्त जे सत्य सांगते – आणि नाद जो मनाला भिडतो!*
#NoisePollution #DolbyMuktGaneshotsav #SarvaDharmaSamaBhava #MAIMEDIA24
—
