इराणचे परराष्ट्र मंत्री अब्बास अरघची यांच्या मते, ही इमारत दक्षिण इराणमधील मुलींसाठी एक प्राथमिक शाळा आहे.
इराणचे परराष्ट्र मंत्री अब्बास अरघची यांनी इंस्टाग्रामवर एका इमारतीचा फोटो शेअर केला आहे, ज्यातून धूर निघताना दिसत आहे.
अराघची यांनी लिहिले की ही इमारत दक्षिण इराणमधील मुलींची प्राथमिक शाळा होती, जी नष्ट झाली.
त्यांनी लिहिले , “या (शाळेवर) दिवसाढवळ्या बॉम्बस्फोट करण्यात आला जेव्हा लहान मुले उपस्थित होती. या ठिकाणीच डझनभर निष्पाप मुले मारली गेली. इराणी लोकांवरील या गुन्ह्यांना उत्तर दिले जाईल.”
इराणच्या सरकारी इस्लामिक रिपब्लिक न्यूज एजन्सी (IRNA) नुसार, शनिवारी इराणच्या दक्षिणेकडील होर्मोज्गान प्रांतातील मिनाब काउंटीमधील मुलींच्या प्राथमिक शाळेवर इस्रायली हल्ला झाला.
शिक्षण मंत्रालयाच्या प्रवक्त्याचा हवाला देत एजन्सीने म्हटले आहे की शाळेवरील हल्ल्यात ५३ लोक ठार झाले आणि ६३ जण जखमी झाले.
प्रवक्त्याने सांगितले की, इतर संभाव्य बळींचा शोध घेण्यासाठी शाळेतील ढिगारा हटवण्यात येत आहे.
