दुष्काळी भागातील ऐतिहासिक बारवांचे संवर्धन करणार, लोककलावंतांना थेट रोजगार देणार — मंत्री आशिष शेलार*

दुष्काळी भागातील ऐतिहासिक बारवांचे संवर्धन करणार, लोककलावंतांना थेट रोजगार देणार — मंत्री आशिष शेलार*

*मुंबई (MyMedia24) -* राज्यातील दुष्काळग्रस्त भागातील पाणीटंचाईवर मात करण्यासाठी ऐतिहासिक बारवांचे संवर्धन करून त्यातील जलस्रोत मोकळे करण्याच्या कामांना प्राधान्य द्यावे. तसेच सांस्कृतिक कार्यक्रमांमधील अनावश्यक खर्च टाळून स्थानिक लोककलावंतांना थेट रोजगार द्यावा, असे निर्देश सांस्कृतिक कार्य मंत्री *ॲड. आशिष शेलार* यांनी आज मंत्रालयात दिले.

*बैठकीत कोण होते?*
सांस्कृतिक कार्य विभागाचे सचिव डॉ. किरण कुलकर्णी, फिल्मसिटीच्या व्यवस्थापकीय संचालक स्वाती म्हसे-पाटील आणि वरिष्ठ अधिकारी उपस्थित होते.

*२ मोठे निर्णय —*

*१. बारव संवर्धनाला प्राधान्य — जलस्रोत मोकळे करणार —*
– फक्त बांधकाम किंवा सुशोभीकरण नाही, तर *गाळ काढून जलस्रोत मोकळे* करण्यावर भर द्यावा
– पाण्याची गळती रोखण्यासाठी वॉटर टाईटनिंग दुरुस्ती करावी
– हवामान विभागाच्या आकडेवारीनुसार सर्वाधिक पावसाची तूट असलेल्या जिल्ह्यांना प्राधान्य देऊन कामांचा क्रम ठरवावा
– जालना येथील एका ऐतिहासिक पुष्करणीतून *७० ट्रक गाळ काढल्यानंतर मुबलक पाणी* उपलब्ध झाले आहे, याच धर्तीवर आतापर्यंत विभागीय स्तरावर ४ आणि जिल्हा नियोजन समितीच्या माध्यमातून १६ ठिकाणी बारवांची कामे झाली आहेत
– सर्व कामांचे कामापूर्वी आणि कामानंतरचे फोटो-व्हिडिओ दस्तऐवजीकरण करावे

*२. दुष्काळग्रस्त तालुक्यातील लोककलावंतांना प्राधान्य —*
– मोठ्या सोहळ्यांवरील आणि अनावश्यक सजावटीवरील खर्चाला मर्यादा घालून तो निधी दुष्काळी भागातील लोककलावंतांच्या कार्यक्रमांसाठी वापरावा
– प्रत्येक तालुक्यातून कलाकारांचे अर्ज *ऑनलाइन पोर्टल*च्या माध्यमातून मागवावेत
– माहिती व जनसंपर्क महासंचालनालयाकडे नोंदणीकृत संस्थांनाही सहभागी करून घ्यावे
– कलाकारांना थेट काम द्यावे, मध्ये दलाल नको
– प्रत्येक जिल्ह्यातील मराठी भाषा अधिकारी व तहसीलदार यांच्या माध्यमातून संनियंत्रण यंत्रणा उभारावी
– पुढील *१५ दिवसांत* प्रत्यक्ष कार्यक्रम सुरू करण्याचे नियोजन करावे

शेलार म्हणाले, दुष्काळी परिस्थितीत जलस्रोतांचे पुनरुज्जीवन, ऐतिहासिक वारशाचे जतन आणि स्थानिक कलाकारांना रोजगार — तिन्हीचा समन्वय साधून काम करा.

—