PWD कंत्राटदारांना मोठा दिलासा! ९,७०० कोटींचा निधी वितरित, उर्वरित देयकेही लवकरच — मंत्री शिवेंद्रसिंह राजे भोसले*
*मुंबई (MyMedia24) -* राज्याच्या विकास कामांमध्ये योगदान देणाऱ्या सार्वजनिक बांधकाम विभागाच्या कंत्राटदारांसाठी आनंदाची बातमी! प्रलंबित देयके अदा करण्यासाठी सुमारे *९हजार ७०० कोटी रुपयांचा निधी वितरित* करण्यात आला आहे, अशी माहिती सार्वजनिक बांधकाम मंत्री *शिवेंद्रसिंह राजे भोसले* यांनी आज मंत्रालयात दिली.
*बैठकीत काय ठरलं?*
महाराष्ट्र राज्य कंत्राटदार महासंघ व राज्य अभियंता संघटनेची बैठक मंत्री भोसले यांच्या अध्यक्षतेखाली मंत्रालयात झाली. सचिव शरद राजभोज, सचिव आबासाहेब नागरगोजे, महासंघाचे अध्यक्ष मिलिंद भोसले, महासचिव राजेश देशमुख उपस्थित होते.
*मंत्री भोसले यांनी काय सांगितलं? — ५ठळक मुद्दे —*
*१. ४८०० कंत्राटदारांना १००% पेमेंट —*
१कोटी रुपयांच्या आतील लहान कामांशी संबंधित सुमारे 4 हजार 800 कंत्राटदारांची देयके 100% अदा करण्यात आली आहेत.
*२. उर्वरित देयके लवकरच —*
उर्वरित देयकांसाठी वित्त विभागाकडे मागणी केली आहे, निधी मिळताच तातडीने अदा केली जातील. इमारत दुरुस्ती कामांच्या देयकांसाठीही वित्त विभागाकडे मागणी केली आहे.
*३. डांबर भाववाढीवर निर्णय —*
डांबराच्या भाववाढीबाबत आठवडाभरात कार्यवाही होईल. भाववाढीमुळे कामाची किंमत वाढत असल्यास उपलब्ध मंजूर निधीच्या मर्यादेत रस्त्याच्या लांबी किंवा व्याप्ती प्रमाणानुसार कमी करण्याची तरतूद परिपत्रकात काढली जाईल.
*४. GST चा प्रश्न सुटणार —*
कंत्राटदारांना GST भरण्याच्या सुधारित पद्धतीमुळे अडचणी येत आहेत, याबाबत वित्त विभागाकडे पूर्वीची कार्यपद्धती लागू करण्याची विनंती केली आहे. स्वतंत्र बैठक घेऊन निर्णय घेतला जाईल.
*५. नोंदणी आणि बेरोजगार अभियंत्यांना दिलासा —*
निधीअभावी देयके प्रलंबित असली तरी पूर्ण झालेल्या कामाची नोंद नूतनीकरणासाठी ग्राह्य धरली जाणार, नोंदणीला मुदतवाढ मिळणार. तसेच सुशिक्षित बेरोजगार अभियंत्यांसाठी राखीव कामांचे वाटप सर्व जिल्ह्यांमध्ये प्रभावीपणे करण्याचे निर्देश दिले.
विद्युत कामांची दरसूची अंतिम टप्प्यात असून स्थापत्य कामाच्या दरसूचीची कार्यवाही सुरू आहे.
कंत्राटदार महासंघ व अभियंता संघटनेने या निर्णयाबद्दल मंत्री भोसले यांचे आभार मानले.
—
