*”सज्ज आहेत माझे हात” – अपोलो हॉस्पिटल्सचा विश्वविक्रम! 30 दिवसात 61,221 जणांनी घेतली CPR शिकण्याची शपथ*
*मुंबई, दि. २८ सप्टेंबर २०२६:* नवी मुंबईतील अपोलो हॉस्पिटल्सने एक जागतिक विक्रम रचला आहे. *”सज्ज आहेत माझे हात”* या मोहिमेंतर्गत अवघ्या ३० दिवसांत *६१,२२१ नागरिकांनी* सीपीआर शिकण्याची शपथ घेतली असून या कामगिरीची *गिनीज वर्ल्ड रेकॉर्ड्स™* मध्ये अधिकृत नोंद झाली आहे.
८ जुलै ते ७ ऑगस्ट २०२६ या कालावधीत राबवण्यात आलेल्या या मोहिमेत अपोलोने ५०,००० लोकांचे उद्दिष्ट ठेवले होते, पण नवी मुंबईकरांनी ते ओलांडत याला एका जनचळवळीचे रूप दिले. १२० हून अधिक शाळा, महाविद्यालये, कंपन्या आणि सामाजिक संस्थांमधील विद्यार्थी, शिक्षक, कर्मचारी आणि सामान्य नागरिक या मोहिमेत सहभागी झाले.
हा सन्मान सोहळा अपोलो हॉस्पिटल्सच्या कार्यकारी उपाध्यक्षा *डॉ. प्रीथा रेड्डी* आणि सुप्रसिद्ध अभिनेत्री *करिष्मा कपूर* यांच्या उपस्थितीत पार पडला.
> “६१,००० हून अधिक लोक आज दुसऱ्याला मदत करण्यासाठी सज्ज झाले आहेत, ही एकजुटीची ताकद आहे. हा विश्वास आम्ही आणखी लाखो हातांना जीवन वाचवण्यासाठी तयार करून फेडू” – *डॉ. प्रीथा रेड्डी*
*का महत्त्वाचे आहे?*
भारतात दरवर्षी ७ लाखांहून अधिक लोकांचा मृत्यू अचानक हृदयविकाराच्या झटक्याने होतो, पण रुग्णालयाबाहेर अशा घटना घडल्यास फक्त २% ते ६% लोकांनाच वेळेवर CPR मिळतो. “सज्ज आहेत माझे हात” ही मोहीम याच दरी भरून काढण्यासाठी आहे.
ही मोहीम जागतिक हृदय दिन २०२६ च्या *”हृदयाच्या प्रत्येक ठोक्यासाठी एकत्र येऊया”* या थीमवर आधारित आहे.
*संपर्क:* अंकिता म्हात्रे – 9082429177
—
