*बेस्ट च्या निवृत्त कामगार लढ्याला यश*
*पुढची वाट सुकर – पण लढा अजून बाकी…
*जिथे अन्याय-अत्याचारच इंधन होतो, तिथे एक शक्ती काम करते*
*कितीही माज करा, शोषण करा पण हिशोब तर द्यावाच लागतो…*
अग्रलेख
शीतल हरीश करदेकर
५ जून २०२६. बेस्टच्या ५५०० सेवानिवृत्त कामगारांच्या तीन वर्षांच्या लढ्याला पहिलं यश मिळालं. महानगरपालिकेने ५०० कोटी रुपये बेस्टला वर्ग केले. ग्रॅज्युटीची वर्षानुवर्षे रखडलेली लढाई जिंकायला सुरुवात झाली.
*हा विजय आहे एकजुटीचा.* बेस्ट सेवानिवृत्त संघर्ष समितीचे अध्यक्ष भाई पानवडीकर आणि त्यांच्या सहकाऱ्यांनी जी जिद्द दाखवली, ती लोकशाहीसाठी मैलाचा दगड आहे.
*जिथे अन्याय-अत्याचार इंधन होतो, तिथे एक शक्ती काम करते.* ती शक्ती म्हणजे *वर्गसंघर्षावर आसूड ओढणारी लेखणी*. दैनिक द ग्लोबल टाइम्स च्या कार्यकारी संपादक *शीतल हरिष करदेकर* यांनी २०मे आणि २७ मे रोजी जे दोन अग्रलेख लिहिले, त्यांनी व्यवस्थेच्या पाठीवर कोरडे ओढले.
*आसूडाचे पहिले फटकारे – २० मे २०२६*
*२३५० कोटींची लूट कधी थांबणार?”*
१८०० कोटी उपदान, पीएफ, रजा रोखीकरण. ५५० कोटी श्रेणीवाढ घोटाळा.
*२०१६ ची श्रेणीवाढ – १० वर्षे थकबाकी.*
*२०२१ ची श्रेणीवाढ – ५ वर्षे रखडली.*
*२०२६ ची श्रेणीवाढ – चर्चाच नाही.*
प्रत्येक निवृत्ताचं ८-१०लाखांचं नुकसान.
*आसूडाचा थेट वार – २७ मे २०२६*
*”कामगार ४० वर्ष एकाच पदावर राबून निवृत्त होतो… निवृत्त नंतर पगार नाही, ग्रॅज्युइटी नाही, पीएफ नाही.*
*अधिकारी सेवेत दाखल झाल्यापासून ५ वेळा बढती घेतो… पगार वाढतो, पद वाढतं, प्रतिष्ठा वाढते.*
*हा ‘वर्गसंघर्ष’ नाही का?”*
●*एकाच छताखाली दोन ‘बेस्ट’*
*बेस्ट क्रमांक १ – कामगारांची:*
४० वर्षे स्टेअरिंगवर हात. ऊन, पाऊस, दंगा, महामारी – सगळं झेललं. निवृत्त झाले. हातात काय? *शून्य*.
*४० वर्षांची निष्ठा = भिक्षेचे कटोरे.* हा अन्याय!
●*बेस्ट क्रमांक 2 – अधिकाऱ्यांची:*
सह. महाव्यवस्थापक राव. निवृत्तीला १० दिवस बाकी असताना घाईघाईने उप. महाव्यवस्थापक पदावर पदोन्नती होते?
मढवी यांचा सह. महाव्यवस्थापक वाहतूक म्हणून गौरव. नेताजी चौगुले यांना उपमहाव्यवस्थापक पद बहाल!
*प्रश्न साधा: महिन्याला १६०० बस बिघडून आगारात उभ्या असताना पदोन्नती कशासाठी?* हा अत्याचार आहे की नाही ?
*’तोट्यातील’ बेस्टमध्ये ‘पदोन्नती’चा पाऊस*
बेस्ट आर्थिक संकटात आहे. मुंबईकर तासन् तास बसची वाट बघत उभे असतात. खाजगी कंत्राटदारांच्या भंगार बस रस्त्यावर अपघात करत सुटल्यात. बेस्टच्या फक्त २४५ स्वतःच्या बस शिल्लक आहेत.
*मग ‘BEST’ च्या अधिकाऱ्यांना ‘पदोन्नती’ कशाची? ‘खाजगीकरण’ यशस्वी केल्याची?*
कामगारांच्या श्रेणीवाढीला, थकबाकीला पैसे नाहीत. *पण न्यायालयीन खटल्याच्या वकील फी साठी बेस्ट कडे कोट्यवधी रुपये आहेत.*
*”आता आम्ही आठवतो काय?” – विश्वासघाताची परिसीमा*
काही निवृत्त कामगार एका ‘कामगार संघटनेच्या नेत्या’कडे मदत मागायला गेले. तो नेता रागात म्हणाला, *”आता आम्ही आठवतो काय? ज्यांना मतदान करता त्यांच्याकडे जा…”*
हे वाक्य ‘कामगार चळवळी’च्या ‘थडग्या’वरची ‘पहिली वीट’ आहे. *’बेस्ट’मुळे ‘सत्ता’ मिळते… पण ‘सत्ता’ मिळाल्यावर ‘बेस्ट’ दिसत नाही. ही ‘गद्दारी’ आहे.*
*हक्क हवा, न्याय हवा*
५ जूनला ५००कोटी आले. तो *लढ्याचा परिणाम* आहे. आसूडाच्या फटक्यांनी व्यवस्था विव्हळली आणि न्याय मिळायला सुरुवात झाली.
पण जखम खोल आहे. *१८५० कोटी बाकी आहेत.*
पालकमंत्री एकनाथ शिंदे यांनी नागपूर अधिवेशनात बेल आऊट पॅकेजचे आश्वासन दिले होते. ६ महिने उलटले. २७मे च्या अग्रलेखाने *’शब्द पाळा’* म्हणून आठवण करून दिली. मुख्यमंत्री देवेंद्र फडणवीस यांनी दखल घेतली. महापौर रितूताई तावडे, आयुक्त अश्विनी भिडे, चेअरमन तृष्णा विश्वासराव, जीएम डॉ. सोनिया सेठी यांनी संवेदना दाखवली.
*शेवटचा इशारा*
शीतल हरिष करदेकर यांच्या अग्रलेखांनी वर्गसंघर्षावर आसूड ओढला. अन्यायाचे इंधन जळाले, म्हणूनच आज ५०० कोटींचा निर्णय झाला. पण लक्षात ठेवा – कितीही माज करा, शोषण करा पण हिशोब तर द्यावाच लागतो.. हे लक्षात ठेवा.
२३५० कोटींचा हिशोब. ५०० कोटी दिले. * १८५०कोटी बाकीआहेत. ते मिळणार आहेतच*
‘कामगार’ जगला तर ‘बेस्ट’ जगेल. *फक्त ‘अधिकारी’ जगवून ‘बेस्ट’ जगणार का?*
*जिथे अन्याय-अत्याचार इंधन (वणवा संताप भडकण्यास कारणीभूत)होतो, तिथे एक शक्ती काम करते.* ती शक्ती म्हणजे एकजूट. ती शक्ती म्हणजे लेखणी. ती शक्ती म्हणजे रस्त्यावरचा एल्गार.
लेेखणीचा आसूड अजून थांबलेला नाही. जोपर्यंत शेवटच्या कामगाराला न्याय मिळत नाही, तोपर्यंत लेखणीचे फटके बसतच राहतील.
कारण हा लढा पैशाचा नाही, *स्वाभिमानाचा आहे.* *अथं माणूस जगन हं* – त्यासाठी *न्याय हवा.*
*यशस्वी भव, विजयी भव!* लढा सुरूच राहील.
ऑल द बेस्ट! सरकार जागे रहा सजग रहा…श्रमिक सन्मानाने जगला पाहिजे , कामावर आणि निवृत्तीनंतर ही!
—
