*MAI MEDIA 24 | विशेष बातमी | वृत्त: जे सत्य सांगते*
*७२ वर्षांनंतर राष्ट्रीय चित्रपट पुरस्कार दिल्लीबाहेर, थेट केवाडियात – राजकीय वाद पेटला!*
१९५४ पासून दिल्लीच्या विज्ञान भवनात होणारा राष्ट्रीय चित्रपट पुरस्कार सोहळा, ७२ वर्षांच्या इतिहासात पहिल्यांदाच दिल्लीबाहेर होणार आहे. यंदाचा ७२ वा सोहळा गुजरातमधील एकता नगर (केवाडिया) येथे २२ सप्टेंबरला राष्ट्रपती द्रौपदी मुर्मू यांच्या हस्ते होणार आहे.
*यंदाचे मानकरी:* बेस्ट फिल्म – ‘आर्टिकल 370’, बेस्ट अॅक्ट्रेस – यामी गौतम, बेस्ट अॅक्टर – ममुटी (भ्रमयुगम) आणि कार्तिक आर्यन (चंदू चॅम्पियन), बेस्ट डेब्यू डायरेक्टर – रणदीप हुड्डा (स्वातंत्र्य वीर सावरकर).
*💥 “गुजरातच का?” – इतर राजकीय प्रतिक्रिया:*
*१. राज ठाकरे (मनसे अध्यक्ष):* “सगळंच गुजरातला का? गिफ्ट सिटी, वर्ल्डकप फायनल आणि आता राष्ट्रीय पुरस्कारही… चित्रपटांशी यांचा संबंध म्हणाल तर वाट्टेल ते प्रचारकी सिनेमे बनवून घ्यायचे आणि त्यांना पुरस्कार द्यायचे इतकाच.”
*२. उद्धव ठाकरे (शिवसेना UBT):* “केंद्र सरकार गुजरात आणि देशाच्या इतर राज्यांमध्ये ‘भिंत’ उभी करत आहे. हा महाराष्ट्राचा आणि मराठी चित्रपटसृष्टीचा अपमान आहे.”
*३. संजय राऊत (शिवसेना UBT):* “दिल्लीची परंपरा मोडून सगळं केवाडियाला नेणं म्हणजे फेडरल स्ट्रक्चरवर हल्ला आहे. कलाकारांनी या सोहळ्यावर बहिष्कार टाकावा का, याचा विचार करावा.”
*४. नाना पटोले (काँग्रेस):* “भाजपला मोदी-शाह यांना फक्त गुजरातचा विकास करायचा आहे, देशाचा नाही. राष्ट्रीय वैभवाचे गुजरातीकरण थांबवा.”
*५. भाजपची बाजू (आशिष शेलार / केंद्र सरकार समर्थक):* “केवाडिया हे स्टॅच्यू ऑफ युनिटीमुळे जागतिक पर्यटन केंद्र आहे. राष्ट्रीय कार्यक्रम देशभरात नेणे हे विकेंद्रीकरण आहे. यात राजकारण आणू नये. यामी गौतम, ममुटी यांसारख्या कलाकारांचा सन्मान देशभरात कुठेही झाला तरी तो राष्ट्रीयच आहे.”
*६. चित्रपटसृष्टीतून सूर:* ज्येष्ठ दिग्दर्शक अदूर गोपालकृष्णन यांच्यासह अनेकांनी पुरस्कार निवडीतील पारदर्शकतेवर यापूर्वीच प्रश्न उपस्थित केले आहेत. तर काही निर्मात्यांनी म्हटलंय, “सोहळा कुठेही होवो, पण पुरस्कार राजकीय प्रचारासाठी वापरले जाऊ नयेत.”
*🔍 MAI MEDIA 24 चा सवाल:*
हा वाद फक्त स्थलांतराचा नाही, तर देशाच्या एकात्मिक विकासाचा आहे. राष्ट्रीय पुरस्कार फिरते (Rotational) ठेवून दरवर्षी वेगवेगळ्या राज्यांत घेतले तर सर्व राज्यांना समान न्याय मिळेल का?
*वाचा सविस्तर: http://Maimedia24.com
*#NationalFilmAwards #Kevadia #RajThackeray #UddhavThackeray #SanjayRaut #NanaPatole #MamMedia24*
—
