*शीर्षक:
* *‘व्हीबी जी राम जी’ योजनेच्या कामांना गती द्या, निधीची कमतरता नाही – रोहयो मंत्री भरत गोगावले यांचे निर्देश*
*मुंबई, दि. २५:* ‘व्हीबी जी राम जी’ योजनेच्या माध्यमातून राज्यातील गरजू नागरिकांना अधिकाधिक रोजगार उपलब्ध करून देण्यासाठी मंजूर कामांच्या अंमलबजावणीला गती द्या, असे स्पष्ट निर्देश रोजगार हमी योजना मंत्री भरत गोगावले यांनी आज मंत्रालयात दिले.
रोजगार हमी विभाग हा सर्वसामान्यांच्या हाताला काम देणारा विभाग असून, कोणत्याही पात्र नागरिकाला कामाची कमतरता भासू नये, यासाठी सर्वांनी समन्वयाने काम करावे, असे आवाहन त्यांनी केले. आज मंत्रालयात झालेल्या आढावा बैठकीत त्यांनी राज्यातील जिल्हानिहाय प्रगतीचा आढावा घेतला. यावेळी सचिव आप्पासो धुळाज यांच्यासह वरिष्ठ अधिकारी उपस्थित होते, तर जिल्हा परिषदेचे सीईओ ऑनलाईन होते.
*नंदुरबार अव्वल, या १० जिल्ह्यांचे कौतुक*
मंत्री गोगावले यांनी ‘व्हीबी जी राम जी’ योजनेतील नंदुरबार जिल्ह्याच्या उल्लेखनीय कामगिरीचे विशेष कौतुक केले. त्यासोबतच अहिल्यानगर, यवतमाळ, नाशिक, चंद्रपूर, जळगाव, अमरावती, नांदेड, बुलढाणा, लातूर आणि कोल्हापूर या जिल्ह्यांनी चांगली कामगिरी केल्याबद्दल समाधान व्यक्त केले. ज्या जिल्ह्यांमध्ये कामे कमी आहेत, त्यांनी तातडीने कामे वाढवावीत, असे निर्देश त्यांनी दिले.
*३१८ प्रकारची कामे, शाळांच्या भिंतींपासून घरकुलांपर्यंत*
या योजनेत आता ३१८ प्रकारची कामे घेता येणार आहेत. यामध्ये घरकुल, शाळांच्या कंपाऊंड भिंती, स्वच्छतागृहे, जलसंधारण, सिंचन विहिरी आणि आपत्ती निवारणाच्या कामांचा समावेश आहे.
*मजुरी वेळेत द्या, नाहीतर कारवाई – गोगावले यांचा इशारा*
योजनेअंतर्गत मजुरांना कामासोबतच मजुरीचे वेळेत वितरण होणे महत्त्वाचे आहे. शासनाकडून निधीची कमतरता भासू दिली जाणार नाही. निधी असूनही मजुरी प्रलंबित राहिल्यास संबंधितांवर कारवाई केली जाईल, असा कडक इशारा मंत्री गोगावले यांनी दिला. ई-केवायसी पूर्ण करूनच मजुरांना काम द्या, अशा सूचनाही त्यांनी दिल्या.
पंतप्रधान आवास योजनेत राज्याला सुमारे २० लाख घरकुलांचे उद्दिष्ट मिळाले असून, त्याचे जिल्हानिहाय वाटप लवकरच होणार आहे. केंद्राकडून येणारा सुमारे २,८५० कोटींचा निधी लवकरच उपलब्ध होईल, असेही त्यांनी सांगितले.
प्रत्येक ग्रामपंचायतीने पुढील पाच वर्षांचा विकसित ग्रामपंचायत आराखडा तयार करावा आणि योजनांच्या यशकथांची पुस्तिका तयार करावी, असे निर्देशही त्यांनी दिले.
*- MAI MEDIA 24*
—
*SEO*
Slug: vb-ji-ram-ji-yojana-bharat-gogavale-nirdesh-nandurbar-avval
Tags: Bharat Gogavale, VB Ji Ram Ji Yojana, Rojgar Hami, Nandurbar, Maharashtra News
*
